Älä jää sillan alle | Hilkka Laronia

Donate

Hilkka Laronia
Published on Mar 3, 2021
Ihmettelen toisten ihmisten haukkumista tyhmäksi, kuka täällä viissaampi toista, no jossaki asiassa tietenki, mutta kaikkiaan olhan kaikki pösilöitä. Jos itte vappaa tai heränny, ei tartte manipuloida eikä päsmäröijjä toisia ihmisiä, siis ei ehkä tartte toisia kokea tyhmiksi. Maailmahan on Jumalan luoma, eikö ainaki uskovaiset niin aattele, mie ainaki aattelen sillain. Siis lainvastasuuet ja rikokset on eri asia, sillon tehhään poliisille rikosilmotus ja oikeus tuomittee, puhun meän tavisten keskinäisestä kähisemisestä ja niitten herättämistä tuntteista.

No sittekko minussa herrää kieltteisiä tuntteitako minua haukuttaan tai osotellaan tyhmäksi, kuinka kehtaat, sanottaan mulle, niin taitaa olla häpeä, mikä herrää. Häpeässä pelkään nollaamista, hylkäämistä, ulkopuolele jäämistä, ei sole halolla päähän lyöntiä. Kaikki tuntheet on minussa, itte petyin omhiin odotuksiini, kaikki olhan tyhmiä, minun tyranni se vain taas vilahti paikalle ja pikkuitku ja kaikki hyvin, tyranni hiiskattiin ja ei muutako rakentamhaan, luohmaan ommaa elämää ja rakkaus ja ilo pääsee taas täythään minun syämmen ja pään ja ajatukset kirkastuu ja hommat luistaa.

Ihana aamu, huomenta rakhaat ihmiset, ei toinen parempi toista, kaikki hyvin, pus pus!

"Syntyi silta lasinen.
Minä sillan alle jäin."
- Airi Pöykkö Runoja https://www.laronia.com/runo2.html

Share Video

  • 560 x 315
  • 640 x 360
  • 853 x 480
  • 1280 x 720

Add to

Flag Video

Rate video

Rate video